«Ես այսօր ափսոսում և նույնիսկ ամաչում եմ». Կանադայի վարչապետ Թրյուդոի հուզիչ պատմությունը Շառլ Ազնավուրի մասին

Հետաքրքիր

Մի անգամ Կանադայի վարչապետ Ջասթին Թրյուդոն հուզիչ պատմություն է պատմել Շառլ Ազնավուրի մասին: Ներկայացնում ենք այն մեր կայքի հետևորդներին .

«Մի անգամ, երբ ես դեռ փոքր էի, մոտ 14-15 տարեկան, երեկոյան ընթրինքից հետո, հեռուստատեսությամբ դիտում էինք Շառլ Ազնավուրի մասին պատմող մի հաղորդում։ Այդ ժամանակ ես գրեթե ոչինչ չգիտեի Ազնավուրի մասին։ Հաղորդման վերջում, երբ հնչում էր Շառլի երգերից մեկը (ցավոք այս պահին չեմ հիշում թե որը), նկատեցի, որ հայրս աչքերն է սրբում։ Զարմացած հարցրի․

-Հայրիկ, դու լաց ե՞ս լինում։

-Ոչ տղաս, մի բաժակ ջուր բեր, -թեման փոխել ցանկանալով՝ պատասխանեց նա։

-Փոքրիկ երկրի, փոքրիկ երգիչը, որ գրավեց ամբողջ աշխարհը, -շշնջաց հայրս, ապա խնդրեց, որ գնամ ու նստեմ իր կողքին, քանի որ ուզում է ինձ ինչ-որ բան պատմել։

-Տղաս, այս հաղորդումը Շառլ Ազնավուրի մասին էր` ֆրանսիացի մի երգչի, ով ազգությամբ հայ է։

-Հայերը հին ժողովուրդ են` բազում արհավիրքներ ու փորձություններ տեսած։ Մեծ եղեռնից հետո, երբ Եվրոպան ու Ամերիկան գրկաբաց ընդունեցին կnտnրածից փրկված մարդկանց, մեր կառավարությունը չգնաց այդ քային և հատուկենտ հայերի ընդունեց, ինչի համար ես այսօր ափսոսում և նույնիսկ ամաչում եմ», -ասաց հայրս։

Այդ ժամանակ, ես ոչինչ չհասկացա նրա ասածից։ Ինձ համար նաև տարօրինակ էր, որ հայրս ամաչում է մի բանի համար, որի հետ ինքն ընդհանրապես կապ չուներ։ Հետո, երբ մեծացա, խորությամբ ծանոթացա Ազնավուրի արվեստին ու հայ ժողովրդի պատմությանը, նրա անցած ուղուն, հասկացա, թե ինչու էր այն օրը հայրս հուզվում և ինչպես կարելի է քո չարածի համար ամաչել»։

2018 թ.ին Կանադայի վարչապետ Ջասթին Թրյուդոն այցելել է Ծիծեռնակաբերդի հուշահամալիր և գրառում կատարել Պատվավոր հյուրերի հուշամատյանում:

Leave a Reply

Your email address will not be published. Required fields are marked *